RAUS SUNDAG!

Kjære folk!

Dette er ein stolt dag! Heilt sidan 1974 har TV-aksjonen blitt gjennomført i Noreg og det er no ein tradisjon at bøsseberarar går frå dør til dør for å samle inn pengar til eit godt formål. Dersom me måler innsamlingsaksjonen i innsamla pengar per person, er den årlege norske TV-aksjonen verdas største innsamlingsaksjon. Sidan 1974 har me samla inn heile ni milliardar.

 I år går pengane til organisasjonen CARE og eg håpar at me kjem til å gje slik at me kjenner det, – kjenner det litt i alle fall.

Dersom kvinner og jenter får lov til å arbeide, får råderett over sin eigen kropp, får gå på skule, trygt kan seie ifrå, bli høyrt og får delta i politisk arbeid, då vil me og oppnå mindre svolt, mindre fattigdom, mindre vald og meir rettferd.

Eg skriv om verdiar for tida. Det skulle ikkje vere naudsynt å peike på gode verdiar i denne samanhengen. Her er dei samla elle dei det er verdt å kjempe for.

Eg ynskjer alle ein god og raus sundag!

Helsing frå K-M

Forfatter: Kjærefolk

Litt om meg: - Har avslutta ei mangslungen karriere innanfor norsk skulevesen. - Har eit meir enn 100 år gammalt hus i Ål i Hallingdal, og synes at det er stas. - Gift, mamma, farmor og bonus- både det eine og det andre. - Stort sett blid, glad og nøgd med livet. Kvifor byrjar ei litt gammel dame med blogging? Eg bloggar fyrst og framst fordi eg er glad i å skrive. Det kan jo også hende at det finnes einkvan som har interesse av å bli invitert inn i kvardagen og tankane til eit heilt vanleg kvinnfolk. Vis alle innlegg av Kjærefolk