TO TING EG MÅ

Kjære folk!

Ikkje ei førjulstid utan desse to:

1. Julekort
Tradisjonen med å ynskje kvarandre god jul går langt attende i tid. I byrjinga gjekk folk frå hus til hus og banka på dørene for å ynskje god jul i heimen. Etter kvart vart det meir vanleg å skrive ei helsing som vart levert ved døra.

IMG_1933
Her er nokre av dei julekorta me fekk i fjor. Eit fint juletre laga av gode ynskje og varme tankar. 

Eg hugsar godt den tida då det var teksten som avgjorde portoen. Skreiv du inntil fem ord, slapp du unna med den lågaste portotaksten. Då vart det ikkje plass til meir enn anten «God jul og godt nyttår» eller «God jul, godt nytt år», men det var jo og det viktigaste, – og eg fekk tenkt over forskjellen på «nytt år» og «nyttår».

Eg syrgjer for å ha god tid den dagen eg set av nokre timar til å skrive julekort. Eg tek fram den beste pennen min og mi finaste handskrift. Sjølvsagt må det vere julemusikk som akkompagnement. Det kjennes godt å sitje slik og sende varme tankar til dei som skal få konvolutt i posten. Dette er ei glede på lik linje med den gleda det er å finne julekort i eiga postkasse frå dei me ikkje kunne nå fram til med ein god førjulsklem. Mor mi hengde opp julegardiner på kjøkenet til jul. Eg hengjer opp ei snor til å feste julekorta på. I det siste har det vorte litt betre plass på snora mi. Helsingar på Facebook, Instagram og SMS er fine å få, men vanskelege å henge opp på ei snor.

2. Julefilmar

IMG_1932
Her er det ingen vanskelege kjensler, berre enkle og hyggelege tankar. Det er vel lov før jul, er det ikkje?

Kvar førjulstid ser me dei same filmane, og kvart år sit me att med glede i bringa og tårer i augnekroken når filmane er slutt. Det er to romantiske julefilmar som står på programmet: The Holyday og Love Actually. Det handlar om snille folk som vil vel, om sorg, glede og om kjærleik. Alle blir vener, verda er god og alt endar vel, – slik som draumen om ei god jul.

Helsing frå K-M

Forfatter: Kjærefolk

- Halling med bostedsadresse i Holmestrand - Avsluttet en mangslungen karriere innenfor norsk skolevesen - Gift, mamma, farmor og bonus- både det ene og det andre - Stort sett blid, glad og fornøyd med livet Hvorfor begynner ei nesten gammel dame med blogging? Jeg blogger først og fremst fordi jeg er glad i å skrive og for å kunne utfordre meg selv ved å gjøre noe nytt. Jeg tror også at mange synes det er trist når det skapes et inntrykk av at det som virkelig betyr noe i livet er ungdom og skjønnhet. Derfor kan det hende at noen har interesse av å bli invitert inn i hverdagen til en litt gammel dame.

2 kommentarer om “TO TING EG MÅ”

  1. Så masse fine julekort! Kanskje det kan være noe å «ta opp igjen» – julekortskriving. Da tenker man på den/de en skriver til og kanskje tar frem minner også.

    Likt av 1 person

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google-bilde

Du kommenterer med bruk av din Google konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s