KVA SAMLAR DU PÅ?

Kjære folk!

Eg har vore borti ein som utan blygsel fortalde at han samla på damer, og som skrøyt av kor mange han hadde hatt med seg heim.

Eg har og vorte beden med på rommet til ein kar som ville vise meg knivsamlinga si. Då er ein verkeleg ein ihuga samlar, når ein tek med seg samlinga si på kurs for tillitsvalde.

img_2129 (1)
Eg samlar ikkje på knivar, men desse har eg likevel: Frå venstre: tre knivar etter far min, speidarkniven min, OL-kniven som var ei gåve på 40 års-dagen og ein vakker, liten kniv etter mor mi.

Det finnes mange forteljingar om folk som samlar på dei merkelegaste ting. Ein som heiter John Reznikoff samlar visst på hårlokkar frå kjendisar, medan ein tannlækjar frå Michigan har meir en 1.400 tannkremtubar.

Eigentleg kan me samle på kva som helst, men det er slett ikkje alle samlingar som er like hyggelege å få presentert. Det er for eksempel stor skilnad på å samle på gode historier for å ha noko å fortelje i godt lag og å hugse det meste for å kome trekkjande med det som slagferdig argumentasjon i ein krangel med sambuaren.
Det er også skilnad på å samle gode opplevingar og å samle på souvenirar.

Eg likar godt å samle på slikt eg kan nyte med attlatne auge. Dei bileta eg har samla inne i hovudet, kan kome til å bli viktigare for meg enn dei eg har i album og på mobil. Derfor meiner eg og at me burde pugge meir, – ikkje årstal, kongerekkjer, formlar og slikt, men dikt, songtekstar og godord. Det er aldri godt å vite kva ein kan få bruk for, og når ein kan kome til å få bruk for det.

Planen min var å skrive om ting denne veka, så då skal eg gjere det. I fire dagar framover skal eg presentere fire slags ting eg har samla meg opp meir enn ti av. Eg trur vel forresten neppe at noko av det kan kallast ei samling, det høyrest for pretensiøst ut.

Kva samlar du på?

Helsing frå K-M

 

 

Forfatter: Kjærefolk

- Halling med bostedsadresse i Holmestrand - Avsluttet en mangslungen karriere innenfor norsk skolevesen - Gift, mamma, farmor og bonus- både det ene og det andre - Stort sett blid, glad og fornøyd med livet Hvorfor begynner ei nesten gammel dame med blogging? Jeg blogger først og fremst fordi jeg er glad i å skrive og for å kunne utfordre meg selv ved å gjøre noe nytt. Jeg tror også at mange synes det er trist når det skapes et inntrykk av at det som virkelig betyr noe i livet er ungdom og skjønnhet. Derfor kan det hende at noen har interesse av å bli invitert inn i hverdagen til en litt gammel dame.

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google-bilde

Du kommenterer med bruk av din Google konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s