GAMALDAGS OG UTDATERT?

Kjære folk!

Er det berre eg som synes det er mykje av maset om kva som er moderne, in og trendy som er litt merkeleg? Eg klarar fint å la vere å bry meg om at alle visstnok burde måle stoveveggane sine i mjuke pastellar. Det engasjerar meg heller ikkje nevneverdig at skjerfa skal vere smalare denne vinteren og at frityrsteikt, indisk mat er det hottaste i år.

Det kan vere kjekt å ikkje vere fullstendig umoderne, men når folk meiner at eg må skrote alle bøkene mine og seie opp abonnementet på papiravisa, då kjenner eg det klør.

Slik som sist veke, startar eg laurdagen med eit slags dikt:

Det er ikkje
dette
som gjer meg
utdatert og gamaldags. Eg
elskar
å sitje slik,
bla om i papiravisa,
fylgje med slik
når det er stille i huset

 Det er ikkje
dette
som gjer meg
forhistorisk og avlegs. Eg
elskar
å sitje slik,
bla om med boka mellom hendene,
late ho føre meg
alle stader

 Det er ikkje dette
som er umoderne. Dette er
handgripeleg,
fysisk,
sanseleg. Dette er
alle dei orda som
fargelegg tankane,
trøystar dagane,
bur i fantasien

 Og ikkje å forgløyme radio

 Med dette ynsker eg dei som les dette ei strålande helg.

Med helsing K-M

 

 

 

 

 

 

 

Forfatter: Kjærefolk

Litt om meg: - Har avslutta ei mangslungen karriere innanfor norsk skulevesen. - Har eit meir enn 100 år gammalt hus i Ål i Hallingdal, og synes at det er stas. - Gift, mamma, farmor og bonus- både det eine og det andre. - Stort sett blid, glad og nøgd med livet. Kvifor byrjar ei litt gammel dame med blogging? Eg bloggar fyrst og framst fordi eg er glad i å skrive. Det kan jo også hende at det finnes einkvan som har interesse av å bli invitert inn i kvardagen og tankane til eit heilt vanleg kvinnfolk.

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google-bilde

Du kommenterer med bruk av din Google konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s