HAUSTFARGAR

Kjære folk!

Når nettene vert lengre, er det eit signal til lauvtrea våre om at no er det snart på tide å gjere seg klare for vinter og kulde. Blada går raskt frå å vekse til neste fase som er alder og død. Men dei tek ikkje farvel før alle dei verdfulle næringsstoffa er transporterte ut av blada og fram til stamma og røtene der dei vert lagra heilt til ein ny vår då det på nytt er bruk for dei som næring til ny vekst.

IMG_3800
Vekstene i hagen utanfor pensjonatet på Ål gjer seg klare for vinteren.

Men kvar kjem den knallgule fargen frå, – den som no dukkar opp i osp- og bjørkelauv? Den har faktisk vore der heile tida. Det er nemleg slik at den kjem til syne fyrst når det grøne klorofyllet vert brote ned.

IMG_1354
Dette biletet tok eg i fjor då fargane var som aller vakraste.

Eg er glad i dei skinande og knallgrøne fargane i mai og juni. Dei gnistrande kvite vinterdagane vil eg og gjerne ha med meg. Men ingenting er som hausten når naturen står i brann. Det skin, mest i gult, men og i oransje og raudt, og eg kan ikkje sjå meg mett.

IMG_3807
Frå ein rusletur på Sundre i går.

Det beste veret for å få fram haustfargane er visst kalde og tørre netter som kjem etter dagar fylte av sol. Jo kaldare det er – utan at blada frys – og jo meir sol dei får, jo vakrare blir fargene på trea.

IMG_1429
Haustfargar i hagen heime.

Me må hugse å nyte fargane medan dei heng høgt der oppe, for snart dett dei ned og legg seg som eit fargerikt teppe over oss. Lauva er vakre då og der dei ligg utover og ventar på å bli raka saman til haugar som born i alle aldrar kan base i.

IMG_3806
Det har berre så vidt byrja.

No framover skal det berre bli betre og betre, vakrare og vakrare og eg har mykje å sjå fram til. I dag skal eg ein tur til fjells. Kanskje eg fortel litt i morgon om kven eg møtte der.

Helsing frå K-M

Forfatter: Kjærefolk

Litt om meg: - Har avslutta ei mangslungen karriere innanfor norsk skulevesen. - Har eit meir enn 100 år gammalt hus i Ål i Hallingdal, og synes at det er stas. - Gift, mamma, farmor og bonus- både det eine og det andre. - Stort sett blid, glad og nøgd med livet. Kvifor byrjar ei litt gammel dame med blogging? Eg bloggar fyrst og framst fordi eg er glad i å skrive. Det kan jo også hende at det finnes einkvan som har interesse av å bli invitert inn i kvardagen og tankane til eit heilt vanleg kvinnfolk.

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google-bilde

Du kommenterer med bruk av din Google konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s