FRÅ ÅL, VEIT DU

Kjære folk!

Det var så opplagt den gongen. Eg skulle flytte ut, studere og treffe nye folk. Det vart aldri slik at eg flytta heim att. Men så vart eg eldre, og lengten etter dalen vart sterkare. Eg måtte hit oftare.

Kvar gong eg er på Ål, bur eg her:

IMG_1392

Dette flotte bygget husa Aal Sparebank frå 1897 til 1962. Då flytta lensmannen inn, og bygget fekk namnet «Lensmannsgarden». I 2008 kjøpte dei noverande eigarane huset, og 17. mai 2011 opna dei dørene på den gamle sveitsarbygningen. Gamlebanken hadde blitt Aal Pensjonat. Interiøret er frå perioden 1900 – 1930-talet. Dersom du er interessert i å sjå meir av pensjonatet, kan du gå inn HER

Ål er ein kultur- og naturkommune. Dersom eg står midt på Sundre (torget på Ål), finn eg eit turområde uansett kva veg eg vender blikket.

Det tek meg to minutt å gå frå pensjonatheimen min til Ål kulturhus. Der finn eg to amfisalar, galleri, kunstmuseum, kafé, bibliotek og rosemålingsutstilling. No blir kulturhuset utbygd til også å romme landsdelscene for dans.

I tillegg til alt det andre positive med barndomsbygda mi, gjer det trivelege vertskapet på Aal Pensjonat det slik at kjensla av å vere heime alltid er til stades når eg vitjar Ål.

Er det rart at det er stas å kome hit? Sjølv om draumen om barndomens dal nok har eit nostalgisk slør over seg, og sjølv om mykje er endra, fornya og omsnudd her, så kjenner eg at røtene mine sug næring når eg er her. Kanskje det gjer at eg kan blomstre lenge?

Helsing frå K-M

 

 

Forfatter: Kjærefolk

Litt om meg: - Har avslutta ei mangslungen karriere innanfor norsk skulevesen. - Har eit meir enn 100 år gammalt hus i Ål i Hallingdal, og synes at det er stas. - Gift, mamma, farmor og bonus- både det eine og det andre. - Stort sett blid, glad og nøgd med livet. Kvifor byrjar ei litt gammel dame med blogging? Eg bloggar fyrst og framst fordi eg er glad i å skrive. Det kan jo også hende at det finnes einkvan som har interesse av å bli invitert inn i kvardagen og tankane til eit heilt vanleg kvinnfolk.

2 kommentarer om “FRÅ ÅL, VEIT DU”

Legg igjen en kommentar

Fyll inn i feltene under, eller klikk på et ikon for å logge inn:

WordPress.com-logo

Du kommenterer med bruk av din WordPress.com konto. Logg ut /  Endre )

Google-bilde

Du kommenterer med bruk av din Google konto. Logg ut /  Endre )

Twitter-bilde

Du kommenterer med bruk av din Twitter konto. Logg ut /  Endre )

Facebookbilde

Du kommenterer med bruk av din Facebook konto. Logg ut /  Endre )

Kobler til %s