Kjære folk!
God sundagsmorgon!
Denne sundagen skal eg unne meg sjølv å berre vere glad, – og kanskje kan gleda mi smitte over på fleire.
TIL GEITOSTENS PRIS, Å BLI SETT OG FRU HAUST
Kategori: Dikt
NOKO POSITIVT, VENTE PÅ VINTER OG ELVELANGS
Kjære folk!
God laurdag!
Denne helga vil bloggen min, både i dag og i morgon, bere sterkt preg av at eg har vore på Ål dei siste dagane. Eg er her framleis og nyt vakre septemberdagar i strålande haustrvér.
UNDERLEGE TIDER, KLEDE OG TO SMÅ SURE.
Kjære folk!
I dag er det visst den internasjonale migrenedagen. Då eg fann ut det, tenkte eg fyrst at det vil eg i alle fall ikkje skrive noko om på bloggen min, men då eg skumma nedover nettsida, kunne eg lese at «ofte reduseres plagene med økende alder (…)». No, på denne dagen, kan eg altså trøyste andre migrenemenneske med at det stemmer. Denne litt gamle dama har «reduserte plager». Hipp hurra for «økende alder»! Eg ynskjer alle ein god og migrenefri migrenedag.
Eit nyhende som har fanga merksemda mi
Det har skjedd mykje dei siste vekene. Ja, eg vil seie at det er underlege tider me lever i. Omtrent dagleg kjem eg over noko i aviser eller andre media av slikt som gjer meg forundra, trist, uroleg, motlaus, – eller at eg rett og slett må lure på om eg las eller høyrde rett. Her er ei lita liste. Eg plasserer eit vakkert haustbilete mellom kvart punkt. Det kan hende det er fleire enn meg som treng ei lita tenkepause innimellom alt det vonde og vanskelege. (Alle bileta er tekne i Ranum i Våler i Solør den siste veka.)
LIKESTILLING I KORONATIDER, FASADE OG LUKKE PÅ EIN STIG
Kjære folk.
Då eg sette meg ned for å setje saman denne bloggen, var det plutseleg ingenting som fungerte slik det skulle. Bileta ville ikkje flytte på seg, og eg fekk melding om at «lagring lot seg ikke gjennomføre». Dette er slikt som gjer meg superirritert. Eg hatar datatrøbbel. Dette gidd eg ikkje meir-tanken kom, eg slo av heile skiten og gjekk for å hente meg ein kopp kaffi. Då eg, etter nokre minutt med roleg inn- og utpust, sette meg ned att, fungerte alt, – men nytt og annleis.
Det er kanskje med datamaskiner som med dei fleste andre ting her i livet; dersom me trykkjer på av-knappen eller koplar av ei for stund, så verkar alt som normalt att. Slik er det vel med deg og meg og.
Fortsett å lese «LIKESTILLING I KORONATIDER, FASADE OG LUKKE PÅ EIN STIG»NY MATPOLITIKK, DIGITALISERING OG NOKO SKJEDDE
Kjære folk!
Allereie 15. august såg eg den fyrste, vesle grågåsplogen flyge over oss her på fjellknausen vår. Sumaren er på hell, men eg gjer alt eg kan for å få med meg den siste slumpen av sumar.
Når eg sit, frisk som ein fisk med nakne føter i graset, har eg ikkje mykje å klage over.
Fortsett å lese «NY MATPOLITIKK, DIGITALISERING OG NOKO SKJEDDE»
PERSONLEG FRIDOM I KORONATIDER, STEINBRUER OG Å SNURRE
Kjære folk!
– Kva for ein dag er det i dag?
– Det er i dag, svara Nasse Nøff
– Favorittdagen min, sa Ole Brumm.
Det er ikkje alle dagar det passar å starte med eit slikt A. A. Milne-sitat, men i det siste har eg gledd meg slik til denne dagen at det passar så godt. Det er bloggedag i dag, og det kjennest som veldig lenge sidan sist.
Eg håpar de alle har hatt ein framifrå sumar. Det har eg, og no har eg skrivekløe.
Mange av dei fyrste tekstane mine vil naturleg nok bere preg av slikt eg har opplevd, lest og tenkt desse sumarmånadene. Og kort fortalt kan sumaren min summerast opp med dette biletet:
Fortsett å lese «PERSONLEG FRIDOM I KORONATIDER, STEINBRUER OG Å SNURRE»
HALMSTRÅ, TOMME TANKAR OG SUMARFERIE
Kjære folk!
God laurdagsmorgon!
Eg har veldig mange grunnar til å vere glad og eg treng ikkje gå langt for å finne kvardagsgledene. I blomsterenga rett utanfor kjøkenvindauget gøymer det seg for tida tallause, små og søte markjordbær. Angen heng i lufta no i dei varme sumardagane. Det er berre å gå barbeint ut i graset og glede seg.
POLITIREFORMEN, NYSGJERRIG OG Å SNIKE SEG VEKK
Kjære folk!
God morgon!
Kor mange gir har du? Eg har ofte lurt på om eg berre har to; 1: Full fart framover og
2: Parkering. Dei fleste dagane vaknar eg i gir 1. Eg veit at dette gjer meg ganske krevjande å ete frukost saman med for dei som startar litt tregt og girar opp utover dagen. Når kvelden kjem og mange er i fest og fullfart-gir, då går eg tidleg over i gir 2. Det har vist seg at dette giret slår inn tidlegare og tidlegare etter som åra går. Er eg aleine om å ha det slik tru?
Men no over til dei faste laurdagsoverskriftene.
Fortsett å lese «POLITIREFORMEN, NYSGJERRIG OG Å SNIKE SEG VEKK»
Å BYGGE BRU, EIT FEELGOOD-DRAMA OG EIT NEI
Kjære folk!
Denne sundagsmorgonen vil eg starte saman med Erik Bye:
«Kom og lytt til lyset når det gryr av dag.
Solen løfter sin trompet mot munnen.
Lytt til hvite sommerfuglers vingeslag;
Denne dag kan bli vår beste dag!»
Fortsett å lese «Å BYGGE BRU, EIT FEELGOOD-DRAMA OG EIT NEI»
RASISME OG POLITIVALD, Å VERE GOD OG LITT OM LENGT
Kjære folk!
Eg håpar at du som les, har ein god laurdagsmorgon!
I dag har eg lyst til å starte med å vise fram to bilete frå hagen min slik den er no tidleg i juni. Dette gjer eg berre fordi slikt er til å bli glad av.
Når eg no skriv om det nyhendet som har dominert i det siste, er det alt anna enn til å bli glad av.
Fortsett å lese «RASISME OG POLITIVALD, Å VERE GOD OG LITT OM LENGT»
Kjære folk 